一開始搵尼間studio影prewedding既原因係因為有韓國攝影師,我地想影出韓國風格既婚紗相。


首先studio既工作效率好厲害,因為我地離big day日子得返兩個月,佢地竟然可以兩個月內完成拍攝、修圖、整相簿等工作,而且價錢比其他韓式婚紗攝影更合理。


其次係佢地每個細節位都好細心,第一次上去傾合約既時候會見到攝影師啊Jo,了解到佢既攝影風格,啊Jo都會問返我地想點影,會盡力配合客人需要。可能自己識少少韓文,大家第一次見面傾計好快熟落,當日就簽好合約定好日子影相。


去到揀禮服婚紗既環節,本身studio提供左多套韓國婚紗選擇,亦都同KIS wedding合作,提供男禮同婚紗既款都好多,兩位staff Kelvin同Iris都好nice,係揀衫同wedding方面提供左好多寶貴既意見,好快就揀到衫。


之後到拍攝當日,開頭係studio影室內景,好多謝化妝師Mina幫我地化韓式妝,set到個靚靚韓仔頭。我地準備左好多唔同影相角度sample俾攝影師參考,佢都好專業一一幫我地影到想影既pose,亦好細心咁教我地點樣擺好pose,好多謝在場兩位staff Elsie同Tiffany幫手翻譯同setting,好順利完成室內拍攝。


室外景方面揀左西貢海岸遊客中心同機場飛機維修區,我地準備左好多道具for室外景拍攝,辛苦攝影師啊Jo同外景助手Winnie幫我地拎曬所有準備左既道具。當日天氣好好,日落時間去到飛機維修區,影到好多靚相,雖然中間有段小插曲,就係行入去飛機維修區既時候拎漏左件晚裝係車,要叫返司機送返件衫尼,令到時間overrun左,但啊Jo堅持幫我地繼續影相,用曬所有預備左既道具,完美地完成拍攝。係尼到睇到啊Jo好敬業,充分地睇到佢對攝影既熱誠。


整個pre-wedding拍攝感覺非常好,係尼到要衷心感謝studio每位成員、服裝以及化妝既同事,令到整個拍攝完美順利完成,好慶幸能夠揀到尼間studio,誠意推薦俾大家!