其實我本身係另一間婚攝公司影左第一輯相，影完覺得唔係好滿意，只係一啲好普通嘅傳統婚紗相。咁後來睇過Hyehwa Korean Wedding相嘅style，覺得都幾韓式、簡約，所以睇完sample就直接上去簽約。🤝咁簽約當日佢哋嘅staff service同禮貌方面都好好，contract條款解釋得好鉅細無遺，亦都冇隱藏收費。😇我個Package入面係包2婚紗1禮服、全日化妝師、翻譯等等。唔知係咪因為攝影師係韓國人，韓風嘅感覺更加強烈，好似連studio都更專業更有韻味。😎

影相果日朝早係studio影咗唔少相，都用咗2-3個場景。晏晝就去咗獅子會同埋東壩。攝影師同翻譯兩個都好專業，佢哋會教我哋點笑，叫我唔好笑得太勁🙈，feel到佢哋係好在乎細節位，對相嘅要求真係好嚴格。😆如果攝影師唔滿意就會再影過，一啲hea嘅感覺都冇。至於pose方面就冇對比冇傷害，之前間攝影公司嘅pose好簡單，來來去去都係兩三個，😪但佢哋就會教好多個pose唔同擺法。👫🏻至於化妝師，雖然係冇得試妝直接由公司安排，但佢都令我好滿意。妝容係清新feel，同埋會就住新娘子外貌嘅特色去修飾輪廓，😚而且我每換唔同嘅衫佢都會主動幫我轉髮型。😊

最令我印象深刻嘅係離開東壩嘅時候，由於我哋一行5人，但的士得4個位，司機就要我哋分車。咁攝影師同翻譯為咗唔想我浪費錢比多架的士錢，寧願陪我係度等，睇下call唔call到5人的士。仲要到後來係攝影師搵到其他人肯幫手車返出去，當時已經overrun咗一段時間，但佢哋都冇黑面，真係好好人。😚

至於售後服務方面，佢哋都係完勝第一間。因為佢會比我係屋企慢慢揀相，之後叫我上去公司同佢哋一齊睇排版，期間完全唔會慫恿我加相。👍🏼不過可能佢哋質素高，開始多客、人手都唔係好夠，回相嘅時間耐咗少少，但係都冇話超時嘅。😬就連我另一半對佢哋嘅評價同感覺都好正面，就知道佢哋有幾好。要一個大男人影兩輯相可能本身都唔係十分願意，由此可見佢哋整體質素真係好高。🥰