Hyehwa Wedding一開始比到好濃厚嘅韓風感覺我，就係依點attract到我，於是就冇去到婚展，直接上去佢哋公司了解下package。🤣咁我個package係包攝影、化妝、婚紗同車，staff會講唔少detail同注意事項比我哋知，feel到佢哋都好盡心盡力。睇過啲相同studio嘅景之後就更加確信係適合我哋嘅婚攝公司👍🏼：佢哋個景好有屋企嘅感覺，係偏向簡單溫暖風格。同埋重點係，佢哋個攝影師真係韓國人，上去開會嘅時候會有翻譯係隔離幫手。

🇰🇷唔好以為韓國攝影師就會有溝通困難或者疏於溝通嘅情況，佢都好放心大膽咁講自己嘅idea，亦肯了解我嘅需要而且會跟到十足十。😎影相當日間唔中都會比我睇睇啲相影成點添。同埋我老公都對攝影同執相有啲認識同要求嘅，而最後佢都大讚攝影師同佢哋公司。因為我記得執相來來回回都好似搞咗8次，搞到我哋都唔好意思覺得麻煩到佢哋，🙈但佢哋就話總之會執到我哋滿意為止，唔會嫌麻煩。仲要佢哋會將所有相tune曬色，所有原檔嘅色都已經調過，😍而放係相簿嘅就執得更加仔細精緻。對比下好多香港嘅婚攝都只係會比冇tune色嘅原檔，佢哋就真係超晒班。😇

不過都有個小建議：希望佢哋係package入面可以加入pre-wedding過程嘅花絮短片比新人回味下。雖然都明白價錢上可能就會上調，但係都係值得紀念嘅過程嘛～😬至於其他staff都係好nice嘅，著衫嘅時候會好take care我，幫我攞衫等等～～最後就係由於佢哋同婚紗公司有合作，而且兩間鋪頭相隔好短距離，所以影相前一日佢哋會幫我攞埋衫，影完又幫手還衫，我哋係完全唔洗煩，真係超級方便👍🏼