當初會知道呢間公司係因為上網search 無意中見到佢哋IG 見到啲風格幾簡約清新就吸引咗我去問 聯絡嘅期間都令我感到成件事好舒服😊 因為佢哋唔似其他大公司咁樣好進攻 完全冇逼過我哋快啲落訂果d 仲約時間上佢哋studio直接傾 第一次見面嘅時候已經覺得啲Staff好親切 Service好舒服亦都好有自由度 但同時如果我哋有需要都會即時協助 同埋比我感覺佢哋好認真 以客為本 所以點解我會想揀細公司 係的確比大公司細心❤️

另外除咗簽約嗰日上咗studio傾 另外都約咗日子去試婚紗 佢哋啲schedule好忙 但係韓國攝影師仍然抽時間親自去婚紗舖陪我地試衫俾意見 真係好有心😍

Studio環境都非常開陽又乾淨舒服 其實我哋之前都有同其他studio公司傾過 相較之下佢哋studio真係環境比較好☺️ 

到拍攝當日非常熱同辛苦😵 我哋當日係full day schedule 喺室內studio影完之後就出去外景拍攝兩個地方 山頂同埋城門水塘 城門水塘嗰度真係好熱 我有段時間都覺得好攰好辛苦🤒 但係行入城門水塘段路好長 攝影師Jo幫我哋拎晒啲嘢 仲行得好快 自己行咗入去睇環境先 呢個位真係feel到佢對攝影好有熱誠 盡心盡力 當日真係辛苦晒佢哋團隊🙇🏻‍♀️

拍攝完隔咗一陣 佢哋就叫我哋上去佢哋studio度同攝影師一齊排版整相簿 係呢個過程又係可以同攝影師同埋佢哋員工直接溝通 成個過程好流暢好快速 睇得出佢哋係好有planning👍🏻

如果要我諗有啲咩需要改進嘅地方 可能會有一兩樣 例如我哋影相嘅時候擺pose可以俾多啲動作嘅sample相我哋參考 又或者係建議可以影定啲sample相係特別嘅pose 咁客人就可以照跟住做💪🏻 佢哋最新有新裝修嘅studio 係全白色 但係好可惜地咁啱我哋影嗰陣時仲裝修緊影唔到😭

但總結而言 雖然佢哋係細公司 但係feel到佢哋員工好團結為公司唔係淨係為咗打工想一齊做好件事好有熱誠👏🏻😄 所以都非常之開心揀到佢哋公司拍攝 我已經推介左比啲朋友佢哋覺得啲相真係好靚同埋最緊要係唔俗🥰